Zer da Googaz?
Estimuluz betetako mundu dinamiko batean bizi gara, non etorkizuneko erronkak orainaren parte diren.
Z eta Y belaunaldiak, millennialak eta boomerrak androideekin bizi gara. Nola integratzen dugu teknologia gure erronka sozialetan? Nola mobilizatzen gara gazte digitalak etorkizun jasangarria eraikitzeko?
Zaila da etorkizunarekin konprometitzea orainaz jabetu gabe. Googaz-en errealitate birtualaren bidez, munduko errealitate ezberdinetara hurbiltzen zaitugu.
Enpatia garatu, hausnartu eta sortu. Interakzio gutxiago eta ekintza gehiago bilatzen ditugu, gurekin bat egiten duzu?
01
Nondik gatoz?
GOOGAZ 2017an, Bizkaian, ideia argi batekin sorturiko proiektu bat da: gazteak aktibatzea, egungo eta etorkizuneko erronka sozialetan rol aktiboa izan dezaten. Orduz geroztik, 3.000 gazterekin baino gehiagorekin konektatu du, tokiko merkataritzaren digitalizazioa, etxebizitzarako sarbidea edo genero-berdintasuna bezalako gaiak landuz.
Formatu dinamiko eta parte-hartzaile baten bidez, GOOGAZek gamifikazioa, talde-lana eta teknologia uztartzen ditu hausnarketatik ekintzara igarotzeko helburuarekin.
02
Nortzuk gara?
GOOGAZ ideia komun bat zuten Bizkaiko hiru gaztek sortu zuten. Haien ustez, gazteek diskurtso gutxiago eta benetako aukera gehiago behar dituzte gauza garrantzitsuak egiteko.
Herrietatik gatoz, ikasgeletatik, esperientzia partekatuetatik. Eta argi ikusi genuen, zerbait aldatu nahi bagenuen, ezin genuela inoren zain egon.
Harrezkero, urteak daramatzagu gazteek pentsatu, adierazi eta jarduteko espazioak sortzen.
GOOGAZ gure bozgorailua da, baina baita urte hauetan proiektuarekin bat egin duten eta haztea eragin duten gazte guztiena ere. Izan ere, argi dugu etorkizuna ez da inprobisatzen, etorkizuna eraiki egiten dela. Eta elkarrekin eraikitzen dela.
03
Nola egiten dugu?
Metodologia erraz batekin: jolastu, diseinatu, sortu.
1. GOOGAZ Design
Googaz Design hackatoian, talde gazteek erronka sozial bati — genero-berdintasunari, esaterako — irtenbideak proposatzen dizkiote, eta joko baten gidoia sortzen dute.
2. GOOGAZ Create
Hainbat hilabetez, taldeek, gidoi horretan oinarritutako jokoak garatzen dituzte. Jokorik onena Googaz play-n herriz herri eramaten da.
3. GOOGAZ Play
Herriz herri goaz, pentsarazten duen errealitate birtualeko jolas batekin. Jolastu, hausnartu eta gazteriari entzuten zaio.
​​
GOOGAZ ez litzateke posible izango gazteen potentzialean sinesten duten eta benetako eraldaketa-espazioen aldeko apustua egiten duten erakundeen babes eta lankidetzarik gabe.
Honako hauen babesa dugu:
Gainera, edizio bakoitzean, ikastetxeekin, udalekin eta sektoreko profesionalekin lankidetzan aritzen gara, eta haien ezagutza, esperientzia eta konpromisoa eskaintzen dituzte proiektuak lurralde bakoitzean benetako eragina izan dezan.
GOOGAZ behetik eraikitako lan kolektiboa da, batzen duten aliantzekin egindakoa.
